خاطرة

الى ابي

ربيع محسن

يعز علي ان تغيب عن ناظري وان ارتقي اليوم صرح هذا المنبر مؤبنا لك ومعزيا بك غير انها سنة الحياة المفعمة بالحوادث والمفاجأت

احقا رحلت..وعبق عطر انفاسك حولي يجول

احقا رحلت..واي رحيل هذا وصوتك ما نزال نسمع جهرا وهمسا وصداه بين اللحظة والحين يتردد

احقا رحلت..وكل ما عندنا يعيش كل الثواني معك ويستحضر الذكريات

هل يكفي ان يضم جسدك الغالي التراب او يعلو جثمانك الهاني رخام او يغطيه من الازهار شتول

هل علينا ان نصدق هذا الرحيل

هل علينا ان نصدق ان الفراق طويل

هل على السنابل ان تنحني الما عليك ام على السماء ان تبكي على الفراق دما

الله معك يا نور عيني طيب القلب وصادق النيي

دشرتنا وبالقلب حرقة ضيق وسافرت ع بلاد منسية

ذوبتنا ونشفت فينا الريق وبقلوبنا ما ضل حنيي

كنت بي وخي..كنت رفيق وصعبي يا بيي فراقك عليي

بكير لما كنت اوعى وفيق تقلي بقلبي قعود يا بنيي

ونشرب القهوة سوى عالريق وهلق بعد منك لمين بقول كيفك صباح الخير يا بيي

العين تدمع والقلب يخشع والعين فيها نشف المدمع

كويتنا عاكل مفصل كي بكينا يا بيي وقلبنا توجع

شو قيمة العيشة بدون البي ..عيشة بدونك شو بتنفع

لبي لبحافظ عالاخت والخي وصبح وعشيي بيجمع لعيلة

ومين بعدك شملها بيجمع عنك شو بدي قول يا بيي

كنت فوق الكل شمسيي كنت شهم وبالوفا هيب

كنت السلامة تردها مية فاجاتنا يا بو قلب طيب بسفرة بعيدي عليك وعليي

كنت مع غيرك هني حبيب غيرك ما لاقاك بحسم نيي

خيي البخاويني انا وطيب واللي يخاويني بعد موتي ………………..لا انا خيو ولا هوي خيي…………………

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق